He whare kawhe rumaki reo Māori
ki Rotorua e haramai nei
He aha a Rumaki?
He whare kawhe a Rumaki e whakatūngia ai ki Rotorua. Ahakoa te reka o te kai me te kawhe, ka mātua ake te reka o te reo rumaki e rangona ana, e kōrerohia ana hoki i ngā wāhi katoa e tōna hunga katoa.
Mai i te kuhunga mai ki te putanga atu rānō, ko te reo Māori nahe te kai a Taringa, kaua rawa te reo pihikete.
I te tuatahi, he āhuru mōwai a Rumaki mō ngā tāngata e hiahia nei ki te noho reo rumaki. Ahakoa te taumata o te reo - he pī, he pīrere, he raukura, he wāhi haumaru mō te katoa.
Me ka hiahia te hunga reo kore nei ki te kuhu mai, haramai te pai! Ko reira he rauemi reo hei āwhina i a rātou ki te tono atu ki te reo Māori, he hiahia nō mātou kia rumaki tonu a Rumaki, ao noa, pō noa.
Mō wai a Rumaki?
E arahina ana e wai?
-
Katie Cherrington
Ngāti Hine, Ngāpuhi, Te Kapotai
CHAIR -
Aroha Armstrong
Ngāti Whakaue, Ngāti Uenukukopako, Ngāti Te Roro o te Rangi
TRUSTEE -
Miraka Davies
Ngātiwai, Ngāti Porou
PROJECT MANAGER -
Vanessa Oxley
Tangata Tiriti, Ngāi Te Rangi Māmā
TREASURER -
Ana Morrison
Ngāti Whakaue, Ngāti Tūwharetoa, Ngāti Mākino
ADVISOR
Āhea a Rumaki e tuwhera ai?
Mā te whiwhinga mai o te pūtea e whakatau. Ko te tūmanako ia, hei te wā o Matariki whakatuwheratia ai ngā kūaha. Heoi, ki te pōturi rawa te whai pūtea, ā mua atu i te mutu o te tau 2025 kē.
He pakihi, he tarati raini?
Ngā mea e rua. Ka taea ngā tarati te tū pakihi kia tutuki pai ai ngā whainga o te tarati. I tēnei wā hanga tuapapa anahe, ka toro atu a Rumaki kia whai pūtea. Hei te wā ka tuwhera ngā kūaha o te whare kawhe, he mea pūtea whaiaro toitū a Rumaki.
Kia pēhea tāu nā tautoko mai?
Me pēhea rā te kī atu! He nuuuuui ō te kaupapa nei hiahia. Inarā::
Graphic design
Recruitment
Finding premises
Fit out of premises
Interior design
Signage
IT resourcing
Licences
Takoha mai kia whakatū a Rumaki!
Koha tōtika atu rānei ki te pēke:
Rumaki Trust Board
ASB 12-3158-0207881-00
Īmēra mai, kātahi ka whakahokia te rihīti tāke.
He tūranga mahi rānei mōu ki Rumaki nei?
Āe! E rapua ana ngā kaimahi katoa e tika ai te kawenga atu o tēnei kaupapa.Nā reira, mehemea he pūmanawa, he pūkenga hoki ōu, ā, he reo Māori koe, pātuhi mai!
Ko tā mātou kupu ki a koutou e whai mahi nei: ka tika mārika te utu atu, he uara nō mātou ki te mana o ōu ake pūkenga, o ōu ake pūmanawa, o tō reo anō hoki. Kāore e kore, mā ngā ngākau whiwhiti noa atu tenei kaupapa e ora ai.
Nā reira, ki te hiahia tono mai, tukuna mai tāu tātai pūmanawa, whakapā noa mai raini mā ngā ara o raro nei.
Whakapā mai!
He pātai, he tono, he aha atu raini āu? Whakapā mai, ka mutu, nau mai, piki mai ki te kaupapa!